NDOTO NA MAANA ZAKE

1610538,DirectLink_1,22607892,https://www.profitablegatecpm.com/cmsm44evgd?key=14968b76cc3b7bd087c4ee0b9793b1a0

NDOTO

Ndoto ni nini?

          NDOTO ni mfululizo wa picha, mawazo, mihemko na hisia ambao hutokea akilini, kwa kawaida bila makusudi, katika hatua fulanifulani za usingizi.^[1]

Yaliyomo na malengo ya ndoto hayajaeleweka vizuri, ingawa tangu zamani yamejadiliwa sana katika sayansi (hasa elimunafsia) na katika dini. Fani inayochunguza ndoto kisayansi inaitwa onirolojia.^[2]

Kwa kiasi kikubwa ndoto zinatokea wakati usingizini macho yanapogeukageuka zaidi, ambapo utendaji wa akili ni mkubwa karibu sawa na mtu anapokuwa macho. Zikitokea wakati mwingine wa usingizi, ndoto hazikumbukwi sana baada ya kuzinduka.^[3]

Muda wa ndoto unaweza kuwa tofauti sana: tangu sekunde chache hadi dakika 20–30.^[3]

Kwa wastani watu wanapata ndoto 3 hadi 5 kwa usiku, wengine hadi 7;^[4] lakini nyingi zinasahaulika mara au mapema.^[5] Watu wanaweza kukumbuka zaidi ndoto zao wakiamshwa wakati wa usingizi wa macho kugeukageuka.

Ndoto zinaelekea kudumu zaidi kadiri muda wa usiku unavyozidi kwenda.^[6]

Ndoto zinaweza kuwa za aina mbalimbali: nje za uwezekano katika maisha ya kawaida, za ajabuajabu, za kutisha, za kusisimua, za kishirikina, za kidini, za kusikitisha, za kijinsia, n.k. Zinaweza pia kumsaidia msanii kubuni kitu.^[7]

Kwa kawaida ziko nje ya udhibiti wa mtu, isipokuwa mtu anapoota akiwa anajitambua (ndoto za mchana).^[8]

Rai kuhusu maana ya ndoto zimetofautiana sana kadiri ya nyakati na utamaduni.^[9]

Kumbukumbu za zamani zaidi kuhusu ndoto ni za miaka 5000 hivi iliyopita huko Mesopotamia, ambapo zilichorwa katika vigae.

Katika Ugiriki wa Kale na Roma ya Kale, watu walisadiki ndoto zinaleta ujumbe kutoka kwa mungu fulani au marehemu fulani na kwamba zinatabiri ya kesho.

NDOTO KI BIBLIA;
  Katika Biblia, ndoto zilizotoka kwa Mungu sikuzote zilikuwa na kusudi hususa. Ni kweli kwamba nyakati nyingine mwenye kupokea ndoto hakuelewa mara moja maana ya ndoto hiyo. Hata hivyo, katika visa vingi ‘Afunuaye siri’ mwenyewe alitoa ufafanuzi ili kusiwe na mashaka yoyote juu ya maana ya ndoto. (Danieli 2:28, 29;Amosi 3:7) Ndoto zilizotoka kwa Mungu hazikuwa zenye maana isiyo dhahiri kama vile ndoto za kawaida.

Mara kwa mara, Mungu alitumia ndoto kuwalinda watu waliohusika kwa njia kubwa katika utimizo wa kusudi lake. Si watumishi wa Mungu tu waliopokea ndoto hizo. Kwa mfano, wanajimu waliotembelea mtoto Yesu hawakurudi kwa Herode, aliyetaka kumwua Yesu kama alivyokuwa amewaomba. Kwa nini? Walipokea onyo katika ndoto. (Mathayo 2:7-12) Jambo hilo lilimpa Yosefu,fursa ya kukimbia Misri pamoja na jamaa yake, kwa kufuata mwelekezo ambao hata yeye alikuwa amepokea katika ndoto. Hilo liliokoa maisha ya mtoto Yesu.—Mathayo 2:13-15.

Karne nyingi mapema,Mfalme mmoja wa Misri aliota ndoto kuhusu masuke saba manene yaliyolinganishwa na masuke saba dhaifu, na ng’ombe saba wanono waliolinganishwa na ng’ombe saba waliokonda. Mungu alimsaidia Yusufu kufasiri ndoto hizo kwa usahihi: Miaka saba ya shibe nchini Misri ingefuatwa na miaka saba ya njaa. Kujua mapema jambo hilo kuliwapa Wamisri fursa ya kutayarisha chakula na kukiweka akiba. Hiyo ilikuwa njia ya Mungu ya kuhifadhi wazao wa Abrahamu na kuwapeleka Misri.—Mwanzo, sura ya 41; 45:5-8.

Mfalme Nebukadneza wa Babiloni pia aliota ndoto. Ndoto hiyo ilitabiri kutokea na kuanguka kwa tawala za ulimwengu za wakati ujao, ambazo zingeathiri moja kwa moja watu wa Mungu. (Danieli 2:31-43) Baadaye aliota ndoto nyingine iliyotabiri kichaa na kupona kwake. Ndoto hiyo ya kiunabii ilikuwa na utimizo mkubwa zaidi, ilionyesha kimbele kusimamishwa kwa Ufalme wa Kimesiya, ambao ungetumiwa na Mungu kutimiza mapenzi yake.—Danieli 4:10-37.

MAWASILIANO KATIKA NDOTO.

                Hatahivyo bado Mungu aliwasiliana na baadhi ya watu kwa njia ya ndoto. Lakini Biblia huonyesha kwamba matukio hayo yalikuwa machache sana. Mungu hakuwasiliana kupitia ndoto kwa ukawaida. Watumishi wengi waaminifu wa Mungu hawakupokea kamwe ujumbe kutoka kwa Mungu kwa njia ya ndoto. Mawasiliano kati ya Mungu na wanadamu kwa njia ya ndoto yanaweza kulinganishwa na kutenganishwa kwa maji ya Bahari Nyekundu. Ingawa alifanya hivyo mara moja, tunajua kwamba hiyo si njia yake ya kawaida ya kushughulika na watu wake.—Kutoka 14:21.

Mtume Paulo alitambua kwamba katika siku zake Mungu alitumia roho yake kuwapa watumishi wake vipawa vingi vya ajabu. Paulo alisema hivi: “Mmoja hupewa usemi wa hekima kupitia ile roho, mwingine usemi wa ujuzi kulingana na roho ileile, mwingine imani kwa roho ileile, mwingine zawadi za maponyo kwa roho moja hiyo, mwingine bado utendaji wa kazi zenye nguvu, mwingine kutoa unabii, mwingine ufahamu wa matamko yaliyopuliziwa, mwingine lugha tofauti, na mwingine fasiri ya lugha.” (1 Wakorintho 12:8-10) Ijapokuwa ndoto kutoka kwa Mungu hazitajwi mahususi, ni wazi kwamba ndoto kutoka kwa Mungu zilikuwa mojawapo ya zawadi za roho ambazo zilitabiriwa katika Yoeli 2:28 ambazo Wakristo kadhaa walipokea.—Matendo 16:9, 10.

Hata hivyo, mtume huyo alisema kuhusu vipawa hivyo vya kipekee: “Kama kuna zawadi za kutoa unabii, zitaondolewa mbali; kama kuna lugha, zitaacha kuwako; kama kuna ujuzi, utaondolewa mbali.” (1 Wakorintho 13:8) Ni dhahiri kwamba zawadi ambazo “zingeondolewa mbali” zilitia ndani njia mbalimbali za mawasiliano kutoka kwa Mungu. Baada ya kifo cha mitume, Mungu hakuwapa tena watumishi wake vipawa hivyo vya kipekee.

Leo, wataalamu bado wanajaribu kuelewa mambo yote yanayohusiana na kuota ndoto na ikiwa hunufaisha kwa njia yoyote. Biblia haina maelezo yoyote kuhusu manufaa ya kuota ndoto. Hata hivyo, kuna onyo katika Biblia kwa wale wanaosisitiza kwamba ndoto zao ni mawasiliano kutoka kwa Mungu. Andiko la Zekaria 10:2lasema hivi: “Waaguzi, . . . wameleta habari za ndoto za uongo.” Mungu huonya pia dhidi ya kubashiri. (Kumbukumbu la Torati 18:10-12) Kwa kufikiria maonyo hayo, siku hizi Wakristo hawatarajii kupokea mwongozo wa kimungu katika ndoto zao. Badala yake, wanaona ndoto kuwa hali inayotukia usingizini tu.

                                                                                                            

HIZI NI BAADHI YA NDOTO WANAZOOTA SANA WANADAMU NA SHETANI HUFANYA SANA MASHAMBULIZI KUPITIA AINA HII YA NDOTO

NDOTO 0001; Wakati nimelala usiku, mara nikaota nnasikia mlio wa bunduki (risasi) na nikapata shida sana ila ndoto halisi siikumbuki nnaomba msaada kujua uhalisia wa ndoto hii kwamaana nnatambua ndoto ni uhalisia.

               MAJIBU; Tambua yakwamba uko katika mapambano, Jua yakwamba shetani muda wate yuko kazini kupitia mawakala wake kama wachawi/majini...nk, hivyo mara nyingi/zote shetani hutumia mlio wa bunduki au kukupiga risasi katika ndoto na ukajua ni ndoto TU! la! hasha si ndotoTU!. Hiyo inamaanisha mawakala wa shetani anapigana na wewe kupitia mtu anaekufahamu vema sana, Bunduki ikielekezwa kwako, humaanisha shamulizi la moja kwa moja kutoka kwa wachawi. Lakini taarifa au kusikia mlio wa risasi katika ndoto ni shambulizi la kichawi dhidi ya mpendwa wako na sio wewe mwenyewe. HATA HIVYO mlio wa risasi katika ndoto huashilia KIFO kutoka roho za maajenti wa kichawi au wachawi wenyewe.

              SULUHISHO; Endapo umeota ndoto ya namna hii haraka sana AMKA kama umeshtuka usingizini na kisha anza kuomba kinyume na roho za adui, na hakuna nguvu nyingne yoyote inayoweza kushinda vita hivyo ispokua NGUVU YA JINA LA YESU PEKEE, omba ukilitaka jina la bwana yesu kuingilia kati vita dhidi ya wachawi hao na nguvu zote zilizo kinyume nawewe, na pia ili kushinda kirahisi unapaswa kuingia katika mfungo wa maombi hata kama ni ya masaa kuminambili (masaa 12) ili kushinda vita hiyo maana mlio wa risasi katika ndoto humaanisha tukio ambalo liko jirani kabisa kutekelezwa hivyo linakuhitaji kupambana kwa haraka sana. (Inakupasa uwe ndani ya kristo yaani uwe umeokoka maana huwez hushinda hiyo vita nje ya BWANA YESU KRISTO TU! kiri uweza wa DAMU YA YESU KRISTO, kabla na baada ya ushindi kupitia maombi unayoomba!.

NDOTO 0002;Mtu mmoja akasema ameota ndoto anakula samaki wabichi ndotoni! akapagawa sana na kupata shauku ya hali ya juu kutaka kutambua ni nini maanayake ndoto hii.

        MAJIBU;Mara tu utakapoona katika njozi unakula samaki wabichi, uwe na uhakika maanayake ni kwamba maadui zako wanapigana na wanakulana wenyewe kwa wenyewe.

        SULUHISHO; Hapo MUNGU anakujulisha moja kwa moja kwamba vita umekwisha ishinda hivyo kuuimarisha ushindi haraka sana unatakiwa kumshukuru mungu na kuingia kwenye maombi ambayo utamtukuza MUNGU kwa vuwango vikubwa pia usisahau kujiwekea ulinzi mwingi wa DAMU NA JINA LA YESU KRISTO. (mathayo 18:18)

NDOTO 0003; Mara katika ndoto ukiota unachana karatasi/makaratasi, tena inawezekana mtumwingne anachana karatasi mbeleyako, yaweza kua mwenyewe binafsi unachana au mtu wa karibuyako Je! yaweza kua ni nini maanayake?

        MAJIBU;Naam ukiona/ukiota jambo hili katika njozi za usingizi wako uwe na uhakika kua mashtakayako/kesi yako hukumu yako imefutwa/ imechanwa mojakwamoja yaani hakuna tena hukumu juu yako.

        SULUHISHO;Katika hali hiyo huo ni ushindi mkubwa sana unapaswa kumshukuru mungu na kuuimarisha ushindi huo kimaombi zaidi na zaidi. (wafilipi 2:10)

 NDOTO YA DARASANI AU KUFANYA MTIHANI

 

Moja ya ndoto ambayo watu wengi wameuliza ni ndoto ya kuota upo darasani unafanya mtihani, unatakiwa kufanya mtihani, na zingine kama hizo.

 

Ndoto hizi zinahusiana na UHITAJI WA MAARIFA. Shule ni eneo ambalo unasoma ili upate MAARIFA ya kuweza kukusaidia kuvuka kutoka hatua moja kwenda hatua nyingine iliyo BORA ZAIDI.

 

Nimeweka msisitizo iliyo “bora zaidi” kwani Shule ambayo haibadilishi maisha yako haina msaada kwako. Hivyo tunaposoma, tunapata maarifa na tunatumia maarifa tuliyopata shuleni ili kuishi kwa kiwango bora zaidi.c

 

Daniel 1:3—4 “Mfalme akamwambia Ashpenazi, mkuu wa matowashi wake, awalete baadhi ya wana wa Israel, na uzao wa kifalme, na wa uzao wa kiungwana; vijana wasio mawaa, wazuri wa uso, wajuzi wenye hekima, WEREVU KWA SABABU YA MAARIFA YAO, wenye kufahamu elimu, watakaoweza kusimama katika jumba la mfalme; tena alimwambia awafundishe elimu ya wakaldayo, na lugha yao.”

 

Ukiendelea kusoma utaona Daniel na wenzake walikuwa miongoni mwa vijana hao. Nilitaka uone kipengele kinachosema “werevu kwa sababu ya maarifa yao.” 

“Basi, kwa habari za hao vijana wanne, Mungu aliwapa maarifa na ujuzi katika elimu na hekima; Daniel naye alikuwa na ufahamu katika maono yote, na ndoto” (Daniel 1:17).

 

Kwa hiyo ndoto unayoota upo Shuleni tafsiri yake ni uhitaji wa maarifa fulani ambayo yanatakiwa yakutoe sehemu moja na kukupeleka sehemu nyingine bora zaidi.

 

KUMBUKA HII: Adui wa kwanza wa mafanikio katika maisha yako SIYO Shetani bali UKOSEFU WA MAARIFA. “Watu wangu wanaangamizwa kwa kukosa maarifa” (Hosea 4:6a). Kwa hiyo, ukiona umekwama katika eneo fulani la maisha, huhitaji tu maombi ila UNAHITAJI MAARIFA.

 

“Katika mwaka wa kwanza wa kumiliki kwake, mimi Daniel, kwa sababu ya kuvisoma vitabu, nalifahamu hesabu ya miaka, ambayo neno la BWANA lilimjia Yeremia nabii, ya kuutimiza ukiwa wa Yerusalem nabii, yaani miaka sabini. Nikamwelekezea Bwana Mungu uso wangu, ili kutaka kwa maombi, na dua, pamoja na kufunga, na kuvaa nguo za magunia na majivu” (Daniel 9:2—3).

Kwa hiyo Daniel, kwa kusoma vita alipata maarifa fulani ndipo akaingia kuomba. Mungu alimtuma malaika Gabriel naye akasema na Daniel kama maandiko yanavyotuambia: “Akaniagiza, akaongea nami, akasema, Ee Danieli, nimetokea sasa, ili nikupe akili upate kufahamu” (Daniel 9:21.)

 

Kwa hiyo Daniel alihitaji MAARIFA. Vivyo hivyo, unapoota upo Shuleni, unahitaji maarifa. Unatakiwa uombe Mungu akupe maarifa unayohitaji. 

Mashuleni, kinachotumika kukupima kama umepata maarifa unayotakiwa kuyapata ni MTIHANI. Kuna kufeli mtihani kwa aina tofauti. Tuangalie chache:

 

KUFELI MTIHANI: Katika ulimwengu wa mwili, mtu anapofeli mtihani maana yake hajapata maarifa anayotakiwa kuyapata ili aweze kufaulu. Katika ulimwengu wa roho ni vivyo hivyo. Unapofeli mtihani maana yake kuna maarifa ambayo unatakiwa uwe nao lakini hauna. 

Kwa sababu hiyo, ukosefu wa maarifa hayo umekukwamisha katika eneo fulani. Inaweza kuwa katika uchumi, biashara, kiroho, au eneo lingine.

 

KUFELI KWA SABABU YA KUCHELEWA MTIHANI: 

A. Kufeli kwa kuchelewa tu: Mtu mwingine anafeli mtihani kwa sababu alichelewa ila majibu ya mtihani anayajua. Ukiona unachelewa kwenye chumba cha mtihani lakini maswali unayajua, na unajikuta umefeli kwa kutokuwa na muda, maana yake MAFANIKIO YAKO YAMEFUNGWA NA MUDA. 

Moja ya silaha ambazo Shetani anazitumia kukwamisha mafanikio ya watu ni MAJIRA/NYAKATI. “Naye atanena maneno kinyume chake Aliye juu, naye atawadhoofisha watakatifu wake Aliye juu; naye ataazimu kubadili majira na Sheria; nao watatiwa mikononi mwake kwa wakati, na nyakati mbili, na nusu wakati” (Daniel 7:25). 

Kama mafanikio yako yamefungwa kwenye muda, shida siyo kutokuwa na maarifa. Ndio maana unaingia kwenye mtihani, maswali unaweza kuyajibu, lakini muda hautoshi. Maarifa unayo ila adui ameteka muda wako ili usitimize kusudi unalotakiwa kutimiza kwa wakati ulioamuriwa. Kumbuke “Kwa kila jambo kuna majira yake” (Mhubiri 3:1). 

Hivyo unachotakiwa ni kuukomboa wakati wako ili maarifa uliyonayo uyatumie kutimiza kusudi la Mungu kwa wakati sahihi. “Basi angalieni sana jinsi mnavyoenenda; si kama watu wasio na hekima bali kama wenye hekima; mkiukomboa wakati kwa maana zamani hizi ni za uovu” (Waefeso 5:15—16). 

B. Kufeli kwa kuchelewa na kutokujua: Mwingine anafeli mtihani kwa sababu pamoja na kwamba amechelewa lakini pia hajui cha kuandika. Maana yake huyu mtu hata kama angewahi kuingia kwenye mtihani angefeli. 

Ndoto ya namna hii maana yake shida haipo tu kwenye muda bali na maarifa pia. 

KUANGALIZIA KWENYE MTIHANI: Mtu mwingine anaota yupo anaangalizia mtihani kwa mwenzake. Maana yake unataka kutumia maarifa ya mwingine ili ufaulu. 

Ndoto ya namna hii maana yake kuna mambo unataka kuyafanya katika maisha yako au unayafanya kwa sababu unaiga lakini sicho Mungu alichokikusudia. 

Hii ilimkuta Isaka ambaye njaa ilipotokea katika nchi yake, alitaka kwenda Misri kwani watu walikuwa wanaenda Misri kufuata chakula. “BWANA akamtokea, akasema, Usishuke kwenda Misri, kaa katika nchi nitakayokuambia” (Mwanzo 26:2). 

Hivyo ukiota unaangalizia kwenye mtihani, muombe Mungu akuambia kile ambacho anataka ufanye wewe kama wewe.

 

KURUDISHWA DARASA AMBALO UMESHAVUKA

 

Katika ulimwengu wa roho, kiwango cha maarifa hakipimwi na elimu mtu aliyonayo bali katika kufikiri. Neno linasema “anonavyo nafsini mwake ndivyo alivyo” (Methali 23:7).

 

Mtu anapoota ndoto yupo darasa ambalo ameshavuka kwa jinsi ya mwili maana yake kufikiri kwa mtu huyo kuko chini ya kiwango Mungu anachotegemea. Kwa mfano: mtu ameshamaliza chuo kikuu lakini kila mara anaota yuko shule ya msingi.

 

Maana yake kiwango cha kufikiri cha mtu huyo ni cha awali. Kinachotoa kiwango cha maarifa ni kiwango cha neno la Mungu linilopo ndani ya mtu. Kwa mfano: kuna watu wengine miaka yote hawakui kiroho na miaka yote wanajadili mambo ya kidini badala ya mambo ya ufalme wa Mungu.

 

“Kwa maana, iwapasavyo kuwa waalimu, (maana wakati mwingi umepita), mnahitaji kufundishwa na mtu mafundisho ya kwanza ya maneno ya Mungu; nanyi mmekuwa mnahitaji maziwa wala si chakula kigumu” (Waebrania 5:12). 

Baada ya muda fulani, Mungu anategemea tukue katika kulijua neno lake ili tufikiri kwa kiwango cha juu zaidi. Mungu anategemea tuache mafundisho ya kwanza na kuwa na maarifa zaidi ili tuweze kufanya maamuzi sahihi juu ya maisha yetu (Waebrania 6:1; Waebrania 5:14).

 

Unaweza kuwa unafanya biashara au shughuli fulani na shughuli hiyo haikui kabisa. Moja ya sababu inaweza kuwa wewe kushindwa kupanua wigo wa kufikiri ili uweze kwenda hatua iliyo bora zaidi. Kwa hiyo Mungu anaweza kukuletea ndoto uko shule ya msingi wakati ulishamaliza chuo na labda una familia yako.

 

Unapoota ndoto za darasa ambalo ulishavuka muda mrefu maana yake umekwama katika kufikiri. Mtu anaweza kukwama kufikiri kwa sababu nyingi lakini pia Shetani anaweza kukamata fikra ya mtu.

 

Vita ya kwenye fikra huwa inapiganiwa kwenye elimu. Kuna elimu ambayo adui atapambana usiipate kwani hataki upate maarifa fulani. 

“Maana ingawa tunaenenda katika mwili, hatufanyi vita kwa jinsi ya mwili; (maana silaha za vita vyetu si za mwili, bali zina uwezo katika Mungu hata kuangusha ngome;) tukiangusha mawazo na kila kitu kilichoinuka, kijiinuacho juu ya elimu ya Mungu; na kuteka nyara kila fikira ipate kumtii Kristo” (2 Wakorintho 10:3—5).

 

Umewahi kujiuliza kwa nini watu wengi hawapokei elimu ya ufalme wa mbinguni wakati Yesu anasema utafuteni kwanza ufalme wa Mungu” (Matayo 6:33)

<!-- Google Tag Manager -->

<script>(function(w,d,s,l,i){w[l]=w[l]||[];w[l].push({'gtm.start':

new Date().getTime(),event:'gtm.js'});var f=d.getElementsByTagName(s)[0],

j=d.createElement(s),dl=l!='dataLayer'?'&l='+l:'';j.async=true;j.src=

'https://www.googletagmanager.com/gtm.js?id='+i+dl;f.parentNode.insertBefore(j,f);

})(window,document,'script','dataLayer','GTM-T7RRGW4F');</script>

<!-- End Google Tag Manager -->